Читатели Палевицкой библиотеки присоединились к районной акции "Сыктывдин читает Михаила Елькина".
Михаил Елькин чужис Сыктывдін районса Сёська сиктын 1958 вося вӧльгым тӧлысь 21-ӧд лунӧ.
Сёська сиктын 8 вося школа помалӧм бӧрын кык во велӧдчис Выльгортса видз-му техникумын. Сӧветскӧй Армиаысь воӧм бӧрын керкаяс кыпӧдіс да вӧр кылӧдіс. Уджаліс кочегарӧн, гидрологӧн.
1989 восянь уджаліс «Войвыв кодзув» журналын, 1996 восянь — медшӧр редакторӧн. 1987 воын помаліс Сыктывкарын уджалысь том войтырлысь рытъя школа, 1993 воын — Москваын А. М. Горький нима Литературнӧй институт.
Медводдза кывбурсӧ йӧзӧдіс 1974 воын «Войвыв кодзув» журналын. Сылӧн петавліс некымын кывбур чукӧр комиӧн да роч кыв вылӧ вуджӧдӧмӧн: «Ӧзын» (1986), «Восьса сьӧлӧмӧн» (1989), «Лысва» (1994), «С верой в добро», «Осенние цветы».
1991 восянь пырӧ Россияса гижысь котырӧ.
Михаил Елькин - Коми Республикаса культураын нимӧдана уджалысь, Коми Республикаса канму премиа кыкысь босьтысь (литература юкӧнын И.А. Куратовнима премиа) К. Жаковлысь «Биармия» поэма комиӧдӧмысь (1996) , Коми Республикаса Веськӧдлан котыр премиа босьтысь (2007).
Информацию подготовила Тырина Е.М., заведующая Палевицкой библиотекой-филиалом.
